القصة المثيرة كما كتبت جاء فيها :-
السيد النائب العامالسيد رئيس القضاءإزالة الظلم عن الضعفاء و الماعندهم واسطة ولا محسوبية و لا ضهر قضيتنا اليوم قضية في غاية الأهمية
و لازم تكون قضية رأي عام
القضية دي ضحيتها مواطن سوداني اسمه :
عمر أسامة الحاج الحسن .
تفاصيلها كالآتي
عمر أسامة ده مالك لعربية برادو .
يقوم ببعض الإجراءات القانونية إتابةً عنه شقيقه أبوبكر
العربية البرادو دي كانت واقفه في غزة جوار مدرعات الشجرة
العربية دي اتفقدت زي عربيات كتيرة مع أيام الحرب في الخرطوم ..
وكعادة أي مواطن عندو عربية مغقودة طوالي بيمشي يفتح بلاغ
عمر أسامة مشى زي أي مواطن سوداني فتح بلاغ سرقة
بعد البلاغ العربية اتلقت مع واحد سايقها في أم درمان اسمه أحمد
تم القبض على أحمد وعلى العربية
تم تسليم أحمد لقسم الشجرة .
وتم وضع العربية في قسم اللاماب
وتم فتح بلاغ في قسم نيابة الشجرة
بعد التحري
طلع أحمد مشتري العربية من واحد اسمه عمر وعمر ده أهلو ناس بصات الدامر
من هنا بدأت حكاية ظهور أصحاب العلاقات والواسطات وقريبي فلان
عمر بصات الدامر ده
عندو قريبو ( نقيب شرطة ) جاء القسم .
جاط مع وكيلة النيابة ..
جاء وشايل معاهو شهادة بحث للعربية .
اتخيَّلوا شهادة بحث بنفس تاريخ ترخيص المالك الحقيقي للعربية عمر أسامة
والشهادتين بتاريخ واحد .
لفك الإلتباس ده
وكيلة النيابة خاطبت الإدارة الفنية في عطبرة عشان تديها تفاصيل من السستم
بحقيقة المالك الحقيقي للعربية
هل هو عمر أسامة الحاج الحسن أم عمر بصات الدامر أم شخص آخر
ناس عطبرة استلموا الخطاب وبقوا ما بيردُّوا
في النهاية بعد مماطلة وجرجرة اتلقى الملف الورقي للعربية
الملف الورقي فيهو لولوة عجيبة
فيهو عمر أسامة الحاج الحسن المالك الحقيقي للعربية .
وفيهو ( عقد بيع ) من عمر المالك الحقيقي للعربية لواحد اسمه محمود حسن أحمد أمبدة
و محمود حسن أحمد أمبدة باع العربية ( لعمر بصات الدامر ) و عمر بصات الدامر باع العربية لأحمد الإتلقت معاهو العربية
المهم في الموضوع :
عمر أسامة الحاج الحسن المالك الحقيقي للعربية ما قام بأي عملية بيع
طلع عقد البيع مزوَّر
عمر أسامة المالك الحقيقي جاب جواز سفره وفيهو تأشيراته من وإلى الهند عشان يثبت إنو ماكان موجود داخل السودان وأن عقد البيع مزوّر
عقد البيع معمول بتاريخ 21 / 1 / 2023م
وعمر أسامة في نفس التاريخ ده كان موجود في ( دلهي ) بالهند
خرج من الهند بتاريخ 28 / 1 / 2023م
مرفق مع البوست صورة للجواز تثبت ذلك
وكيلة النيابة :
طوالي رسلت خطاب للجوازات عشان يفيدوها في التاريخ المحدّد ده هل ( عمر أسامة ) كان في السودان أم خارج السودان
جاء رد الجوازات :
في تاريخ العقد ، عمر أسامة كان خارج السودان
وكيلة النيابة طوالي :
رسلت لنقابة المحاميين في أم درمان تستفسر عن حقيقة المحامي الذي عمل عقد العقد .
جاء الرد على النحو التالي
المحامي العمل العقد ده توثيقاته موقّفه من العام 2015م وما مجدّده حتى الآن .
وكيلة النيابة :
طلّعت أمر قبض للمحامي .
وأمر قبض ( لعمر بصات الدامر )
وأمر قبض ( لمحمد حسن أمبدة ) مزوّر العقد .
وطوالي فتحت بلاغ تاني ( بلاغ تزوير ) إضافي ( لبلاغ السرقة ) بعد إثبات تزوير العقد .
لا هنا كل شي ماشي تمام وقانوني وبقى في بلاغين
الأول : بلاغ سرقة .
والتاني : بلاغ تزوير
بدأت من هنا محاولات تعطيل وصول البلاغ الى المحكمة .
استخدم ( عمر بصات الدامر ) سلطات الواسطة والمحسوبية
استأنف عند وكيل النيابة الأعلى بحجّة وكيلة النيابة معطّله لينا الشغل وما دايره تخلِّص لينا الشغل ونحنا متضرّرين .
طلب هو وجماعته ملف السرقة فقط
تم تسليم وكيل النيابة الأعلى ملف بلاغ واحد
وكيل النيابة الأعلى
خاطب وكيلة النيابة بتسليم ملف بلاغ السرقة
قالت ليهو
العربية دي عندها في الملف بلاغين
في بلاغ تاني في العربية دي متعلّق بالتزوير
البلاغ ده مفترض يتحوّل من ( سرقة ) إلى ( إستلام مال مسروق )
لأن التزوير بيلغي كل البيانات الوراء
لاهنا وكيلة النيابة راكزة وصامدة وثابتة في موقفها المنحاز للعدل والإنصاف
عمر بصات الدامر وجماعته
ما استسلموا استخدموا سلطات واسطة أكبر من وكيل النيابة الأعلى
مشوا طوالي لمكتب النائب العام هناك عندهم واسطة في انتطارهم
مكتب النائب العام طلب الملف المتعلّق بالبلاغ
رسلوا ليهو فقط ( بلاغ السرقة )
وختوا ( بلاغ التزوير ) في الدرج
تحرّك محامي مالك العربية ( عمر أسامة الحاج الحسن ) إلى ( مكتب النئب العام ) .
وقال ليهم
يا جماعة ملف العربية ده فيهو بلاغين
ارفقوا البلاغين مع بعض
بلاغ التزوير ده مهم وفيهو تزوير عقد ما قبل البيع
قالوا ليهو
الزول ده مستأنف في بلاغ واحد وهو بلاغ السرقة فقط
النائب العام :
طوّالي شطب ( لعمر بصات الدامر ) ومجموعته بلاغ السرقة
مع المطالبة لتسليم عربية المالك ( عمر أسامة ) إلى ( أحمد ) بدون ما يهتم بطلب ملف ( عقد التزوير )
المفترض :
العربية ما يتم تسليمها وفيها بلاغ تزوير العقد ومحجوزة عند المرور
محامي المالك الحقيقي للعربية ( عمر أسامة مشى لوكيلة النيابة في الشجرة
قالت ليهو
أنا اتنحّيت من البلاغ
اتنحّيتي كيف
اتنحّيت عديل
والسبب
البلاغ ده داخلين فيهو ناس تُقال
وعاكسوني في الشغُل
وأنا خلّيتو واتنحّيت منو
وقال ليها
تتنحي كيف وفي بلاغ تاني بتاع تزوير
والبلاغين ديل مفترض بمشن مع بعض
وهسه مصير بلاغ التزوير شنو
زقالت ليهو
تمشي تسأل وكيل النيابة بتاع الشمالي
اتحرّك محامي مالك العربية الحقيقي عمرأسامة إلى وكيل النيابة الأعلى بالشمالي
وكيل النيابة قال ليهو :
بلاغ السرقة ده اتشطب خلاص
طيب البلاغ التاني بتاع التزوير
والتزوير مثبت
وكيل النيابة قال ليهو
برضو ده يعتبر مشطوب
مشطوب كيف يعني في بلاغ تزوير بتشطب
قال ليهو
والله شطبناهو وبس
محامي المالك الحقيقي ( عمر أسامة ) كتب تظلُّم ومشي مكتب النائب العام
وقالوا ليهو : طلع قرار كالآتي
أي قرار يطلع من مكتب النائب العام لايجوز فيه الإستئناف أو التظلُّم
الغريب في أمر العدالة في السودان
تقوم تلقى زول مزوّر عقد بيع باسمك وتعاين في حقك قدامك مسروق ، وتقدّم كل الأوراق البتثبت بإنك ماقمت بأي عملية بيع ومع ذلك يتم شطب بلاغ التزوير واعتماد حقك حق لشخص آخر
الطبيعي شطب بلاغ التزوير ده يتم في المحكمة مافي مكتب النائم العام ويتشطب كيف إذا كان التزوير مثبت
البحصل ده انتهاك للعدالة من ناس يدهم واصله ولاحقه مُصرِّين الملف ده ما يمشي المحكمة ويتم حسمه بالواسطة والمحسوبية والترهيب والتخويف والظلم الكبير ده
ديل ناسين
الظلم ظلمات
وعند الله تجتمع الخصوم ..
مرفق مع البوست كل الأوراق التي تثبت الموقف السليم لمالك العربية عمر أسامة
المصدر : صفحة الاخطبوط على الفيس بوك
